L Cucarel
L cucarel
“L Cucarel” l é l prum concors per projec cinematografics per ladin, portà dant da la Coprativa Sozièla INOUT col didament del Istitut Cultural Ladin “majon di fascegn” e de la Region Autonoma Trentin - Südtirol.
L concors “L Cucarel” l é nasciù dal projet “Troupes”, fat tel 2024 da INOUT, col didament de Sabrina Rasom, diretora del Istitut Cultural Ladin “majon di fascegn” e col sostegn de “La Risola”. I 20 joegn fascegn che à tout pèrt a Troupes, i à pissà e realisà l curt film “Al dì de doman”.
L zil del concors l é de dèr sostegn a la realisazion de curc films rejoné te la variantes ladines del Sela (fascian, badiot, gherdenèr, ampezan, fodom), e i sparpagnèr fora te anter la jent.
Avis de concors
Desciarea chiò per fasan e chiò per Taian l Avis de concors de l’edizion 2025 del Pest “L Cucarel”, che tol ite informazions, detaes e termegn del concors. Duc chenc pel tor pèrt al Pest, bèsta che l projet portà dant l abie l ladin desche lengaz de referiment per i dialoghes e l rejonèr.
Chiò te troes l Formulèr de partezipazion da empienir ite per tor pèrt al Pest “L Cucarel 2025”.
Pest
I venjidores del Pest “L Cucarel 2025” i arà a la leta n budget de 5000€ e 4000€ (prum e secondo pest), da dorèr per fèr n curt film de fiction, animazion o documentarie che l dure 30 menuc o de manco.
L Pest “L Cucarel” tol ispirazion dal pest “Kentzeboghes”, che da egn te la Sardegna finanziea la produzion de films ti lengac de mendranza de la Sardegna e no demò. L voler valorisèr e sostegnir la cultura de mendranza da man di gropes de endrez, la Coprativa Sozièla INOUT e la Sociazion BABEL, l é na ocajion per se scontrèr, spartir idees e strenjer leames.
Per de autra informazions scrivé pura a cucarel@inoutfassa.com
Contatti:
info@inoutfassa.com