d0a846fa-1dea-4b60-b4d8-d2a88110f9a8.jpg

cistÀ

Ence per l'istà 2019 noi de Inout aon endrezà, col didament di Comuns e de le gejie de Fascia, n grop de animazion per joegn dai 12 ai 15 egn (clasc 2° e 3° de le scole mesane e 1° e 2° de la scola auta).

Cistà l durerà sie setemane, dai 15 de messal ai 23 de aost 2018, dal lunesc al vender, da le 8:30 fin le 16:30, con oraries che pel mudar respet a le atività de la giornada. La senta la sarà lò da l'oratorie de Poza.

A Cistà i joegn podarà se goder, emparar e strenjer neves leames con autres joegn da duta la val. Vegnarà endrezé jeghes, sport e raide ite e fora de Fascia. Chest an vegnarà endrezade giornade e atività sul tema de la multiculturalità. Sarà ence momenc dediché ai doeres per l'istà e valch laboratorie.

0001.jpg

Istagran

Na gran neva per l’istà 2019: “ISTAGRAN, n istà per crescer”.

Col didament di comuns de Sèn Jan e Soraga, sarà Inout a endrezar l’istà per i bec de le scole populare e de la pruma clasc de le mesane.

Bec: endrezave percheche dal 1 de messal ai 24 de aost sarà jeghes, laboratories, gite e autre sorprese per voi!

Per chest an se pel se enscinuar demò per dut l periodo.

Da chiò tu pes desciarear i papieres per te enscinuar a Istagran. Tu pes dar de retorn i papieres scric ite a scola o i manar sun noscia mail.

39572523_2319162724977846_3585266672375693312_n.jpg

CIRCENSEMA

N grop de joegn jocolieres fascegn, chest l'é Circensema!

L grop l'é stat metù en pe te l'aisciuda del 2017, e dò corsc e colaborazion con autre sociazion e scole de jocoleria, dant de dut co la scola "Bolla di Sapone" de Trent, l'é cresciù e ades, con balote che śira, fazolec che sgola , malans che sauta sche tize, ciampilote e acrobazie, i deletea  la comunanza fasciana e i ghesc' endana gustegoi spetacoi.

chi sione?

Sion n grop de tousc fascegn che endreza e met dant scomenzadive per i joegn. Inout la é nasciuda sche sociazion tel november del 2017, te l’aisciuda 2019 la é doentada na coprativa soziala..

Chest é nosc grop: Caterina Carpano, Tommaso Dondio, Sebastiano Dorich, Matteo Iori, Melissa Locatin, Martin Pederiva, Thomas Pederiva, Luigi Riz, Stefano Riz, Emma Segat, Vanessa Tomasi, Thomas Zulian.

I disc de noi >